المساعدة

1. اختار اللعبة من الأقسام وضيفها للسلة. تكدر تضيف أكثر من وحدة.
2. من السلة اضغط «كمّل الطلب»، وادخل بإيميلك: يوصلك كود، بدون باسورد.
3. أربع خطوات قصيرة: يوزر تلكرام، وطريقة الدفع، والوصل، والتأكيد. اسمك ورقمك ياخذهم الطلب من حسابك.

حوّل المبلغ المكتوب بالضبط على واحد من حساباتنا اللي تطلع بخطوة الدفع، وصوّر شاشة التحويل كاملة وارفعها. سعر آسيا ممكن يختلف عن الكاش، فشوف المبلغ بعد ما تختار الطريقة.

وقت التسليم مكتوب بصفحة كل لعبة، ويبدأ بعد ما نأكد الدفع. «فوري» يعني يوصلك خلال دقائق من التأكيد. بأوقات الضغط ممكن يتأخر شوية.

على تلكرام، على اليوزر اللي كتبته بالطلب. حسابات ستيم ما تطلع بالموقع أبداً حتى تبقى بأمان. تأكد إن اليوزر صحيح، وخلي رسائلك مفتوحة.

1. افتح تطبيق Telegram.
2. روح على الإعدادات (Settings).
3. اضغط على اسمك أو صورتك بالأعلى، وبعدها اسم المستخدم (Username).
4. اكتب يوزر يناسبك: حروف إنكليزية وأرقام و_، ويبدأ بحرف. مثلاً ahmed_123.
5. اضغط حفظ، وانسخ اليوزر هنا بدون علامة @.

من طلباتي. كل طلب إله رقم، وكل منتج بيه إله رقم، ويوصلك إيميل بيهم أول ما ترسل الطلب.

أكثر الأسباب: المبلغ ناقص، أو الوصل مو واضح، أو الوصل انستخدم بطلب قبل. السبب يطلع بصفحة الطلب، ومنها ترجّع نفس المنتجات للسلة وترفع وصل صحيح. واللي انخصم من محفظتك يرجعلها.

نرسلك كود شحن بنفس المبلغ (دينار لو آسياسيل). ادخل حسابك، وافتح «محفظتي»، واكتب الكود: ينضاف لرصيدك. الكود يشتغل مرة وحدة، فلا تنطيه لأحد.

بالسلة، بخانة «عندك كود خصم؟». اكتبه واضغط «طبّق»: السعر الجديد يطلع بالملخص وبالمبلغ اللي تحوّله. كل كود مرة وحدة لكل زبون، وبعض الأكواد لأول طلب أو لقسم معيّن.

بخطوة الدفع، رصيدك ينخصم من الطلب وحده. إذا غطّى الطلب كله ما تحتاج وصل، والطلب يتأكد فوراً. وإذا ما كفى، تحوّل الباقي بس وترفع وصله.

رصيد الدينار يشتري بأسعار الكاش، ورصيد آسياسيل بأسعار آسيا. وإذا منتج ما كدرنا نسلّمه، نلغيه وترجع فلوسه لمحفظتك.

راسلنا خلال 72 ساعة من تأكيد الطلب، من نفس الحساب اللي اشتريت بيه، ويه رقم طلبك وفيديو كامل للمشكلة بدون قطع. لا تغيّر شي بالحساب لحد ما نتحقق. التفاصيل بـسياسة الضمان.

راسلنا من نفس الإيميل ونحذفه. التفاصيل بـسياسة الخصوصية.